हेमन्त खड्काको मौलिक तीज गीत बिरानो माइति सार्वजनिक

बागलुङ्, १ भाद्र । नेपाली नारीहरुको महान पर्व हरितालिका तीज पनि अब नजिक नजिक आइरहेको छ । यही पर्वलाई ध्यानमा राखेर धेरै कलाकारहरुले तीज गीत सार्वजनिक गरिरहेका छन् ।

विगतका वर्षमा जस्ता छाडा र उत्ताउला गीत यो वर्ष त्यत्ति सुन्नमा नआएपनि तीजको मर्म र मौलिकता भने मेटिँदै गइरहेको गीतहरू सुन्दा प्रष्ट हुन्छ । केही असली तीज गीतहरू पनि सार्वजनिक भएका छन् तर उनीहरूले सोचे अनुसार दर्शक पाउन नसकेको यथार्थलाई नकार्न भने सकिन्न ।

यस्तै मौलिक तथा वास्तविक तीजको भावना बोकेको गीत हो बिरानो माइति । गीतलाई गायक हेमन्त खड्काले बजारमा लिएर आएका हुनु । व्यवसायिक भन्दा पनि मौलिकता कायम होस् भन्ने गरी गीत सार्वजनिक गरेको बताउँदै खड्काले गीत हेर्नेहरूबाट निकै राम्रो प्रतिक्रिया आइरहेको भनाइ छ ।
गीतमा संगीता पौडेलले सुमधुर आवाज दिएकी छिन् भने गीतको शब्द सञ्चारकर्मी कृष्ण आचार्यले लेखेका हुन् । खड्काको आफ्नै लय सिर्जना रहेको सो गीतलाई प्रेम थापाले निर्देशन गरेका छन् भने मेलिना ठकुली र साथीहरुको अभिनय रहेको छ । गीतको संगीत संयोजन कृष्ण केसीले गरेका छन् ।
भिडियो :-