बागलुङ, १४ वैशाख। बागलुङ बजारको हल्लनचोक निवासी जनप्रिय टेलरिङका प्रोपाइटर सुजन परियारमाथी आज बिहान धारिलो हतियार प्रहार भएको छ । हतियार प्रहारबाट उनको हातमा गहिरो चोट लागेको छ ।
उनीसँगै रहेकी श्रीमती सरस्वति खड्का परियारमाथी पनि आक्रमण भएको छ । उनीहरुमाथी तीन चार जनाको समूहले एक्कासी पसलमा प्रवेश गरि कुटपिट गरेका थिए ।
उनीहरुमाथी उनको आफ्नै पसलमा साँघातिक रुपमा हमला भएको थियो । घटनामा घाइते भएका सुजन परियारको हातमा चारवटा टाँका लगाईएको छ ।
दम्पतिलाई आक्रमण गरेको आरोपमा बागलुङ नगरपालिका वडा न ३ का आशिष शाक्य र सुरत शाक्यलाई प्रहरीले नियन्त्रणमा लिएर घटनाको विषयमा अनुसन्धान थालेको छ ।
बागलुङ टेलर्स व्यवसायी सँघले प्रेस विज्ञप्ती निकाली विरोध जनाएको छ ।
