सहकारीको पहलमा आर्थिक सङ्कलन गरी सहयोग हस्तान्त्रण

आफ्नै घरको सिँडीबाट लडेर घाईते भएका हर्कबहादुर थापाको करङ भाँचीएर गण्डकी मेडिकल कलेजमा उपचार भैरहेको छ भने उच्च रक्तचाप पछि टाउकोको शल्यकृया गरेकी उजेली थापाको काठमाण्डौको त्रि.वि. शिक्षण अस्पतालमा उपचार भैरहेको छ । लामो समयदेखि देशका ठुला शहरका अस्पतालहरुमा उपचार गराईरहेका थापा दम्पत्तीको उपचारमा खर्च अभाव भएको भन्दै परिवारले सहयोगका लागि अपिल गरेको थियो ।

मध्यम परिवारका थापा दम्पत्ती दुवैजना गत मंसिर दोस्रो सातादेखि अस्पतालको शैयामा छन् । परिवारले मात्रै उपचार खर्च जुटाउन नसकेपछि गुहेली संचार सहकारी संस्था लि. ले उनीहरुलाई बचाउनका लागि आर्थिक सहयोग संकलन अभियान चलाएको थियो । देश बिदेशमा रहेका सहयोग दाताहरुबाट प्राप्त भएको सहयोग रकम एकमुष्ट थापाकी नातीनी रोशनी थापा कार्कीलाई उपलव्ध गराईएको सहकारीका अध्यक्ष खिम बहादुर कार्कीले बताउनु भयो ।