अल जानोब रंगवशालामा भएको खेलको नवौं मिनेटमा क्राग गुडविनले गोल गर्दै अस्ट्रेलियालाई अग्रता दिलाएका थिए। राबियोले २७ औं मिनेटमा गरेको गोलसँगै फ्रान्सले बराबरी गरेको थियो। त्यसको पाँच मिनेट नबित्दै जिरुडको गोलमार्फत साविक विजेता २–१ को अग्रता बनाउन सफल भयो।
पहिलो हाफमा २–१ ले अगाडि रहेको फ्रान्सले दोस्रो हाफमा अरु दुई गोल थप्यो। एम्बाप्पेले ६८औं मिनेटमा गरेको गोलसँगै ३–१ को अग्रता बनाएको फ्रान्सका लागि ७१औं मिनेटमा जिरुडले व्यक्तिगत दोस्रो गोल गर्दै ४–१ को जित सुनिश्चित गरे।
समूह ‘डी’अन्तर्गत मंगलबार राति नै भएको डेनमार्क र ट्युनिसियाबीचको खेल गोलरहित बराबरीमा सकिएको थियो। बुधबार समूह ‘एफ’ र ‘ई’का खेल हुनेछन्।
