बागलुङ, ११ भदौ । हरितालिका तीजको अवसरमा बागलुङमा गण्डकी प्रदेशस्तरीय अन्तरविद्यालय तीज नृत्य प्रतियोगिता हुने भएको छ।
प्रबुद्ध युवा समूह बागलुङको आयोजनामा ‘गण्डकी प्रदेश दोस्रो अन्तरविद्यालय तीज नृत्य प्रतियोगिता–२०८३’ आयोजना गर्न लागिएको हो। प्रतियोगितामा गण्डकी प्रदेशका विभिन्न विद्यालयका विद्यार्थीहरूको सहभागिता रहने आयोजकले जनाएको छ।
प्रबुद्ध युवा समूह बागलुङका अध्यक्ष रोहित सुनारका अनुसार विद्यालय तहका विद्यार्थीमा मौलिक कला, संस्कृति र परम्पराप्रति रुचि तथा अपनत्व विकास गराउनुका साथै प्रतिभावान विद्यार्थीलाई आफ्नो कला प्रस्तुत गर्ने अवसर प्रदान गर्ने उद्देश्यले प्रतियोगिता आयोजना गर्न लागिएको जानकारी दिनुभयो ।
प्रतियोगितामा प्रथम हुने समूहलाई रु. ५५ हजार ५ सय ५५, द्वितीयलाई रु. २७ हजार ७ सय ७७ र तृतीयलाई रु. १५ हजार ५ सय ५५ पुरस्कार प्रदान गरिनेछ । उत्कृष्ट कोरियोग्राफी, प्रस्तुति तथा सहभागिताका लागि विशेष सम्मान र प्रमाणपत्र प्रदान गरिने आयोजकले जनाएको छ ।
प्रबुद्ध युवा समूहले समाजसेवा, शिक्षा, स्वास्थ्य, वातावरण संरक्षण, खेलकुद, कला तथा संस्कृतिको क्षेत्रमा विभिन्न गतिविधि सञ्चालन गर्दै आएको छ । प्रतियोगितालाई सफल बनाउन स्थानीय सरकार, संघसंस्था, बैंक, सहकारी, उद्योगी–व्यवसायी तथा निजी क्षेत्रसँग सहकार्य गरी आर्थिक तथा प्राविधिक सहयोग जुटाइने प्रबुद्ध युवा समूह बागलुङले जनाएको छ ।
रसुवा बाढी पीडितकोलागि सहयोग पुर्याउने उद्धेश्यले सरकारको विपद कोषमा १० हजार रुपैयाँ सहयोग गर्ने ;म’हले जनाएको छ ।
समुहका अध्यक्ष सुनारका अनुसार ‘बाढी पीडितलाई थोरै भएपनि सहयोग होस भन्ने उद्धेश्यले हामी लागेका छौँ ।’ उहाँले भन्नुभयाे–संस्थाले निर्णय गरिसकेको छ, बिहिबार कोषमा जम्मा गरिनेछ ।’
प्रतियोगितामा सांस्कृतिक साँझ समेत आयेजना गरिने भएको छ । कार्यक्रममा रु.७ लाख ६८ हजार खर्च हुने आयोजकको अनुमान छ ।
