बागलुङ, २४ भदौ । बागलुङमा जेनजी आन्दोलनकर्ताहरुले राजनीतिक दलका कार्यालयमा राखिएका साइन बोर्ड र झण्डा हटाएका छन् । मंगलबार बागलुङ बन्द सहित वृहत प्रदर्शनको घोषणा गरेका जेनजी आन्दोलनकर्ताहरुले पार्टी कार्यालयका बोर्ड र झण्डा निकालेर जलाएका हुन् ।
उनीहरुले नेपाली काँग्रेस, नेकपा एमाले, नेकपा माओवादी केन्द्र, राष्ट्रिय जनमोर्चाको पार्टी कार्यालयबाट झण्डा र व्यानर निकालेर जलाएका थिएभने राष्ट्रिय स्वतन्त्र पार्टीले पहिले नै आफै झण्डा र व्यानर निकालेर कार्यालयमा ताला लगाएको थियो ।
जेनजी आन्दोलनमा हिजो भएको प्रहरी दमन र आफनो १९ जना सहकर्मीको विरोधमा आज आक्रोशित युवाहरुले देशव्यापी विरोध प्रदर्शन, आगजनी र तोडफोड गरिरहेका छन् ।
यस्तै जेनजी आन्दोलनकर्ताहरुले जिल्ला प्रशासन कार्यालय बागलुङ, जिल्ला प्रहरी कार्यालय कार्यालय बागलुङ, बागलुङ नगरपालिका, नगरप्रमुख बसन्तकुमार श्रेष्ठको घर अगाडी प्रदर्शन गर्नुका साथै टायर बालेर विरोध गरेका थिए ।
