बागलुङ १२ असार । बागलुङमा क्यान्सरबाट ग्रसित टेक बहादुर खत्रीलाई सहयोगको याचना गरिएको छ ।
बागलुङ नगरपालिका वडा न.९ तित्याङ ठुलाढुङगा घर भएका टेक बहादुर खत्रीलाई एब्डोमिनल क्यान्सर जस्तो जटिल रोगबाट ग्रसित भई हाल भारत स्थित राजिव गान्धी क्यान्सर अस्पतालमा उपचारको क्रममा रहेको आर्थिक संकलन संयोजक हरि बहादुर खत्रीले बिहिबार पत्रकार सम्मेलन मार्फत जानकारी दिनुभयो ।
खत्रीकी श्रीमती सरस्वती खत्रीले श्रीमानको उपचारको लागि १८ देखि २० लाख खर्च भइसकेको छ । आफू सामान्य परिवारको भएको तथा यस रोगको उपचार महङ्गो भएको हुदाँ घरको मात्र आर्थिक अवस्थाले धान्न नसक्ने हुदाँ सहयोगको लागि अपिल गरिएको जानकारी दिनुुभयो ।
“भारतलाई आफ्नो कर्मथलो बनाउँदै आउनुभएको थियो । गत कार्तिक महिनादेखि पेटमा समस्या आएको थियो । जाँच गराउनका लागि सुरुमा बागलुङ गएका थियौ । बागलुङमा पत्ता लगाउन नसकेपछि पोखरा गयौ । त्यसपछि भरतपुरको क्यान्सर अस्पतालमा पनि जाँच गराएका थियौ ।’ खत्रीले भन्नुभयो” ।
आर्थिक संकलन समितिका संयोजक हरि बहादुर खत्रीले उपचारको लागि अनुमानित ६० लाख खर्च हुने जानकारी दिनुभयो । खत्रीको परिवारिक अवस्था पनि कमजोर रहेको हुदाँ सबैलाई सहयोग गरिदिनुहुन आग्रह गर्नुभएको छ ।
सहयोगको याचना गर्दै खत्रीले एस वि वाई बैक बागलुङको खाता नम्बर १७१५२४१४०७३२०मा सहयोग गरिदिनुहुन अपिल गर्नुभयो ।
