बागलुङ, २० जेठ । माध्यमिक शिक्षा परीक्षा (एसईई) स्तरीय दोस्रो संस्करणको आदर्श कप फुटवल प्रतियोगितामा छात्रछात्रातर्फको फाइनल समीकरण पूरा भएको छ ।
प्रतियोगिताको पाँचौ दिन सोमबार सम्पन्न सेमीफाइनल खेलमा छात्रतर्फ गुराँस विद्या सदनलाई आदर्श विद्यामन्दिर ‘निलो’ले ०–१ गोलले पराजित गर्दे फाइल यात्रा पक्का गरेको हो । खेलको १९ औं मिनेटमा डि–बक्स नजिकै पाएको फ्रि–किकलाई सदुपयोग गर्दै आर्कषक गोल नै खेलको .निर्णयक गोल बन्यो ।
प्रतियोगितामा छात्रतर्फको दोस्रो सेमीफाइल खेलमा गरिमा आवासिय माविलाई ०–१ गोलले पराजित गर्दै चिल्ड्रेन लाइफ इङलिस बोर्डिङ स्कुल फाइनलमा प्रवेश गरेको छ । चिल्ड्रेनको जितमा दोस्रो हाफको १४ औं मिनेटमा निशान बुढाले गरेको गोल नै जितका लागि निर्णायक गोल बन्यो ।
यस्तै छात्रातर्फको फाइनलमा आयोजक आदर्श विद्यामन्दि र न्यू ओयसिस एकेडमी भीड्ने भएका छन् । आदर्शले चिल्ड्रेन लाइफलाई ०–१ गोलले पराजित गर्दा न्यू ओयसिसले रुद्रपिपल माविलाई ट्राइबेकरमा ३–४ गोलले निराश बनाउँदै फाइनल पुगेको हो । आदर्शको जितमा जियाना दिनले निर्णायक गोल गरिन् ।
न्यु ओयसिसको जितमा आयुषा आले, सुआरिका श्रेष्ठ, प्राप्ती अर्याल, स्मृति खड्काले गोल गर्दा ममता क्षेत्री, वर्षा कार्की र सपना भण्डारी गोल गर्न चुके । यस्तै, पेनाल्टीमा रुद्रपिपलका आहाना गौतम, कुसुम घर्ती र वर्षा लुंगाली मगरले गोल गर्दा अलिषा थापा, अस्मिता सुनुवार, रोसा विक र चाहत बोहरा गोल गर्न असफल भए ।
