बागलुङ, १९ चैत । उद्योग वाणिज्य संघ बागलुङको १९ औँ अधिवेशनबाट निर्वाचित कार्यसमितिलाई आज एक कार्यक्रमकाबिच शपथ ग्रहण तथा पदस्थापन कार्यक्रम गरिएको छ ।
कार्यक्रमको समापनमा बोल्दै केन्द्रिय सदस्य कल्पना गैरेले चुनाव लोकतान्त्रिक पद्धति हो त्यसलाई सहयोग गर्नुपर्ने बताउँदै सबै मिलेर अगाडि जानुपर्ने बताउनुभयो ।
कार्यक्रममा नेपाल पत्रकार महासंघ बागलुङका उपाध्यक्ष सुवास आचार्य ,उद्योग वाणिज्य संघ बागलुङका पूर्व अध्यक्ष जयराम भारी ,धुर्वराज गौतम, गण्डकी प्रदेश सदस्य दयाराम पौडेल, केन्द्रिय अध्यक्ष युवराज राजभण्डारी र निवर्तमान अध्यक्ष नरेश कडेलले शुभकामना मन्तव्य राख्नुभएको थियो । उहाँहरुले व्यवसायीहरूको हकहितका लागि काम गर्नुपर्ने कुरामा जोड दिनुभएको थियो ।
कार्यक्रममा नवनिर्वाचित अध्यक्ष राजन शाक्यले धन्यवाद व्यक्त गर्दै उहाँले देशमा अवसरमा छ त्यसलाई सदुपयोग गर्नुपर्ने बताउनुभयो । उहाँ काम गर्नका लागि सीपलाई सदुपयोग गर्नुपर्ने बताउनुभयो । पर्यटन प्रवद्र्धन गर्नुपर्ने काम आफ्नो कार्यकालमा गर्ने प्रतिबद्धता राख्नुभएको हो ।
कार्यक्रमको प्रमुख निर्वाचन अधिकृत वरिष्ठ अधिवक्ता भुमिश्वर गौतमको अध्यक्षता स्वागत अधिवक्ता राजु प्रसाद गौतम र निवर्तमान अध्यक्ष नरेश कँडेलको सञ्चालनमा सम्पन्न भएको थियो ।
