बागलुङ , ३ असोज । आज असोज ३ अर्थात संविधान दिवस । आज बागलुङमा पनि संविधान दिवस मनाईएको छ ।
बागलुङमा रहेका क्रियासिल राजनितिक दल, संघसंस्था, नेपाल प्रहरी, सरकारी कर्मचारी र विद्यालयका शिक्षक र विद्यार्थीले बागलुङ नगरपालिका २ समिक्षालय चोकमा रहेको ऐतिहासिक पार्कमा जम्मा भई बजार परिक्रमा गरी बागलुङ नगरपालिका १ रामरेखामा रहेको सहित पार्कमा र्यालि परिणत भएको हो ।
सो अवसरमा गणतन्त्र र संविधान जारी भए पश्चात हालसम्म बागलुङमा भएका उपलब्धी समेटिएको ‘उपलब्धीका पाईला’ नामक स्मारिका विमोचन गरिएको थियो । संविधान सभाका सदस्यत्रय चम्फादेवी खड्का, प्रकाश शर्मा पौडेल र नरबहादुर थापाले संयुक्त रुपमा गरेका थिए ।
स्मारिका विमोचनपछि बोल्दै खड्का, पौडेल र थापाले संविधानको मूल मर्म अनुसार जनतालाई अधिकार सम्पन्न गराउनतर्फ सबै लाग्नुपर्नेमा जोड दिए ।
त्यसैगरी पुर्व सांसद बलावती शर्माले जनताको बलिदान र त्यागबाट आएको संविधानको रक्षाको लागि सबै राजनीतिक शक्ति इमान्दार बन्नुपर्ने बताइन् ।
कार्यक्रममा २५ जना जनयुद्ध तथा जनआन्दोलनका घाईते तथा सहिद परिवारलाई बागलुङ नगरपालिकाले सम्मान गरेको थियो ।
कार्यक्रम जिल्ला समन्वय समिति प्रमुख अमरबहादुर थापाको अध्यक्षता, प्रमुख जिल्ला अधिकारी नेत्रप्रसाद सुवेदीको स्वागत र जिल्ला समन्वय समितिका सुचना अधिकारी दुर्गा प्रसाद शर्माको संचालनमा सम्पन्न भएको थियो ।
