बागलुङमा जीप दुर्घटना हुँदा तीन जनाको मृत्यु, एकको अवस्था गम्भिर

बागलुङ, २८ भदौ । बागलुङमा सरकारी सवारी साधन दुर्घटना हुँदा तीन जनाको मृत्यु भएको छ भने एक जना गम्भिर घाईते भएका छन् ।

मध्येपहाडी लोकमार्ग अन्तरगत जिल्लाको गलकोट नगरपालिका–२ नरेठाँटीको भुंखानीमा सरकारी नम्बर प्लेटको रा १ झ २०० नम्बर बुलेरो जीप दुर्घटना भएको हो । दुर्घटना स्थलमा दुई जना महिला र एक जना पुरुषको शव भेटिएको हो । अर्का एक पुरुष गम्भिर घाईते अबस्थामा फेला परेका छन् ।

जीप सडकदेखि झण्डै सात सयम मिटर तल खसेको छ । जीपमा सवार अन्य यात्रु समेत हुनसक्ने भएकाले खोजी भैरहेको प्रहरी नायव उपरीक्षक बिजय यादवले बताए । घटनाको बिषयमा थप जानकारी आउन बाँकी छ ।

उनीहरु कसैको पनि पहिचान खुलेको छैन् ।