बागलुङ , २४ साउन । बागलुङमा भोलिपनि ग्यास वितरण गरिने भएको छ ।
भोली (सोमबार) बजारका विभिन्न १८ स्थानबाट ग्यास सिलिण्डर वितरण गरिने भएको हो ।
प्रमुख जिल्ला अधिकारी कृष्ण प्रसाद आचार्यका अनुसार जिल्ला सदरमुकाममा १८ वटा ग्यासका डिलर रहेकोमा सबैठाउँबाट वितरण हुनेछन् ।
‘बागलुङमा १८ वटा ग्यासका डिलर छन्, उहाँहरुले आफ्नो डिलरबाट आफ्ना ग्राहकलाई बेच्नुहुन्छ ।’ उहाँले भन्नुभयाे–‘ग्राहकलाई प्रयाप्त पुग्ने ग्यास वितरण हुनेछ ।’उहाँले दोहोरिने गरि र सञ्चित गर्ने गरि ग्यास सिलिण्डर नलिन नागरिकलाई आग्रह गर्नुभएको छ ।
‘ग्यास लैजाने सबै व्यक्तिको अभिलेखिकरण गरिएको छ, भोलीपनि गरिने छ, कसैले दोहोरो लगेको खण्डमा, सञ्चित गरेको खण्डमा कार्वाही गरिनेछ ।’ उहाँले भन्नुभयो–‘उपभोक्ताले नदोहोरिने गरि ग्यास पाउनेछन् ।’
गृहलक्ष्मी र शक्तिका दुबै ग्यास सिलिण्डर पाइनेछ ।
बागलुङ नगरपालिका उपप्रमुख राजु खड्काले बजारमा १ हजार ९२० वटा ग्यास सिलिण्डर वितरण हुने बताउनुभयो । उहाँका अनुसार १ हजार १७० गृहलक्ष्मी र ७५० वटा शक्तिका ग्यास सिलिण्डर रहेका छन ।
