बागलुङमा तासको खालबाट सात जना पक्राउ

बागलुङ, १९ जेठ । बागलुङमा तासको खालबाट सात जना पक्राउ परेको छन् ।

जुवातास खेलिरहेको अवस्थामा बागलुङ नगरपालिका–३ चिप्लेटीबाट सात जनालाई पक्राउ गरेको जिल्ला प्रहरी कार्यालय बागलुङले जनाएको छ ।

जिल्ला प्रहरी कार्यालय बागलुङका सुचना अधिकारी रामेश्वर त्वातिका अनुसार शुक्रवार दिउँसोे घरमा छापा मारी घरधनी मुक्तबहादुर किसान, सोही ठेगानाका पदमबहादुर किसान, प्रेमबहादुर किसान, दीपक रुचाल, शुक्र आले र बागलुङ नगरपालिका–६ का श्यामबहादुर परियार तथा बागलुङ नगरपालिका–८ का कृष्ण खड्कालाई नियन्त्रणमा लिइएको हो ।

उनीहरूको साथबाट नगद रु. २० हजार ८३५ रुपैयाँ र १०६ पत्ती तास बरामद गरिएको प्रहरीले जनाएको छ ।