बागलुङ ,१८ जेठ । तेश्रो संस्करणको आदर्श कप फूटबल प्रतियोगिता सुरु भएको छ । आज देखि सुरु भएको प्रतियोगिता २४ गते सम्म हुने आयोजक आदर्श स्पोट्र्स क्लबले जनाएको छ ।\
प्रतियोगिताको उद्घाटन गण्डकी प्रदेश सदस्य डिल्ली राम सुवेदीले गर्नु भएको थियो ।
उद्घाटन कार्यक्रममा बोल्दै सुवेदीले विध्यालय स्तरबाटै खेलकुदका कार्यक्रमले गर्दा खेलाडी उत्पादनमा टेवा पुग्ने बताउनुभयो।
उहाँले खेलकूूलका पुर्वाधार बनाउन बन ऐनले गर्दा यहाँको खेल मैदान बन्न नसकेको भन्दै समस्याको समाधान निकाल्न प्रदेश सरकार र आफुले तत्पर रहेको बताउनुभयो ।
विद्यालयले महिलालाई खेलकुदमा जोड्दा महिलालाई सहयोग पुग्ने उहाँको भनाई थियो ।
उद्घाटन कार्यक्रममा हिसान नेपालका केन्द्रिय सदस्य नवराज श्रेष्ठ एनप्याब्समका केन्द्रिय सचिव एवम फ्युचर ब्राईटर स्कूलका प्रधान्ध्यापक बालकृष्ण शर्मा जिल्ला फुटबल संघका अध्यक्ष जय राज भण्डारी नगर शिक्षा अधिकारी धन प्रसाद पोख्रेलले शुभकामना मन्तव्य राखेका थिए ।
क्लबका अध्यक्ष राजेश केसीको अध्यक्षता , क्लवकी कोषाध्यक्ष जुना केसीको स्वागत र क्लबका सचिव कमल रेग्मीको सञ्चालनमा सम्पन्न भएको थियो ।
