बागलुङ, २ वैशाख । गण्डकी प्रदेश सरकारको मन्त्रिपरिषद्मा दुई महत्वपूर्ण मन्त्रालयको जिम्मेवारी बागलुङबाट निर्वाचित प्रदेशसभा सदस्यले सम्हालेका छन् ।
मुख्यमन्त्री सुरेन्द्रराज पाण्डेले आर्थिक मामिला मन्त्रीमा जितबहादुर शेरचन र भौतिक पूर्वाधार विकास तथा यातायात व्यवस्था मन्त्रीमा गोविन्दबहादुर नेपालीलाई नियुक्त गरेका हुन् ।
नेपाली नेकपा (एमाले)बाट समानुपातिक निर्वाचन प्रणालीमार्फत प्रदेशसभामा पुगेका थिए ।
दुवै मन्त्रीले बुधबार प्रदेश प्रमुख डिल्लीराज भट्टबाट पद तथा गोपनीयताको सपथ लिई पदभारसमेत ग्रहण गरिसकेका छन् ।
