बागलुङ , ६ माघ । गुहेँली संंचार सहकारी संस्था लिमिटेडले शेयर सदस्यहरुका लागि एक दिने सहकारी शिक्षा कार्यक्रम सम्पन्न गरेको छ ।
कार्यक्रमको उद्धाटन पछि बोल्दै जिल्ला सहकारी संघ लिमिटेडका अध्यक्ष खिम बहादुर कार्कीले शेयर सदस्यहरूले आफ्नो संस्था कसरी सञ्चालन भइरहेको छ भन्ने विषयमा सचेत हुनुपर्ने आवश्यकता औँल्याएका छन्।
उनले सञ्चालकहरूले संस्थाको हितमा काम गरिरहेका छन् कि छैनन्, निर्णय प्रक्रिया पारदर्शी छ कि छैन तथा कतै आर्थिक वा प्रशासनिक अनियमितता भइरहेको छ कि छैन भन्नेबारे शेयर सदस्यले बुझ्नुपर्ने बताए।
अधिकारसँगै जिम्मेवारी पनि बोकेका शेयर सदस्य सक्रिय र निगरानीकर्ताको भूमिकामा उभिए मात्र सहकारी संस्था स्वस्थ, पारदर्शी र दिगो बन्न सक्ने अध्यक्ष कार्कीको भनाइ छ।
अध्यक्षता कार्यबाहक अध्यक्ष गिता हमाल र स्वागत सस्थापक अध्यक्ष टिकाराम उपाध्याय सचिव सूर्य बहादुर थापा संचालन गरेका थिए भने गण्डकी प्रदेश सहकारी रजिस्ट्रार कार्यालयका रजिस्ट्रार भेषराज रिजाल र सूर्य प्रसाद आचार्यले प्रशिक्षण दिएका थिए ।
