बागलुङ, १८ मंसिर । बागलुङमा कोदालो प्रहार गरी भतिजले काकाको हत्या गरेका छन् ।
आईतबार राती जिल्लाको बडिगाड गाउँपालिका १० चैतेका ३३ वर्षीय हिरालाल विकले काका ४० वर्षीय लालमन विकलाई कोदालोले टाउकोमा प्रहार हत्या गरेको जिल्ला प्रहरी कार्यालय बागलुङका प्रहरी नायब उपरीक्षक (डिएसपि) मदन केसीले जानकारी दिए । सामान्य विवाद हुँदा भतिजले कोदालोले टाउकोमा प्रहार गर्दा घटनास्थलमै काका लालमनको मृत्यु भएको डिएसपि केसीले बताए ।
प्रहरीले आईतबार विहान खबर पाएपछि अनुसन्धानको लागि ईलाका प्रहरी कार्यालय भिमगिठ्ठेबाट २ जना र जिल्ला प्रहरी कार्यालय बागलुङबाट ७ जनाको टोली घटनास्थलमा खटिएको डिएसपि केसीले जानकारी दिए । काकाको हत्या गर्ने भतिजालाई आईतबार विहान घरैबाट पक्राउ गरिएको डिएसपि केसीले बताए ।
