बागलुङ, २० साउन । नेपाल पत्रकार महासङ्घ बागलुङका पुर्व अध्यक्ष एवम् आदर्श सञ्चार सहकारी संस्थाद्वारा प्रकाशित धौलागिरि जागरण दैनिकका प्रधान सम्पादक राम बहादुर जिसीलाई मातृशोक परेको छ ।
सहकारीमार्फत सञ्चार क्षेत्रको विकासमा योगदान पु¥याउदै आउनुभएको जिसी परिवार मातृशोकमा डुबेको हो ।
आदर्श सञ्चार सहकारी संस्थामार्फत दैनिक, साप्ताहिक र अनलाईमार्फत सञ्चालन गर्दै आउनुभएका जिसी नेपाल पत्रकार महासंघ बागलुङका पूर्व अध्यक्ष तथा आदर्श सञ्चार सहकारीद्वारा प्रकाशित धौलागिरि जागरण दैनिकका प्रधान–सम्पादक राम बहादुर जिसीको ममतामयी माता नन्द कुमरी घर्ति क्षत्रीको बुधबार २० गते काठेखोला गाउँपालिका–७ रेश कमेरेखोल्सा स्थित आफ्नै निवासमा निधन भएको छ ।
संस्थाका अध्यक्ष हुमा कुमारी जिसी अन्जुको ममतामयी सासुआमा समेत हुनुहुन्छ ।
२००० साल फागुन १५ गते धम्जा माझकटेरामा जन्मनुभएको स्वर्गीय माता नन्द कुमारी घर्ति क्षत्रीको ८३ वर्षको उमेरमा निधन भएको हो । क्षत्री रेश स्थित रन बहादुर जिसीसंग बैबाहिक जिवनमा बाँधिनुभएको थियो ।
माता नन्द कुमारी घर्ति क्षत्रीको स्वास्थ्य अवस्था जटिल बनेपछि दुई हप्ता पोखरास्थित गण्डकी मेडिकल कलेजमा सघन उपचार कक्षमा राखेर उपचार गरिएको थियो ।
उपचारपछि सामान्य अवस्थामा घर ल्याइएकोमा बुधबार बिहान नौ बजे निधन भएको परिवार स्रोतले जनाएको थियो ।
