बागलुङ, २३ चैत्र । बागलुङमा चौंथो संस्करणको जेसिज कप सुरु भएको छ ।
बागलुङ जेसिजको आयोजनामा भएको चौंथो सस्करणको जेसिज कप सुरु भएको हो । कपको उद्घाटन काठेखोला गाउँपालिकाका उपाध्यक्ष तेज बहादुर थापाले गरेका थिए । उद्घाटन पछि बोल्दौ थापाले खेल क्षेत्रमा बागलुङ जेसिजले महत्वपुर्ण भुमिका निर्वाह गरेको बताए ।
बागलुङ जेसिजले सोमबार बाट सुरु गरेको चौंथो संस्करणको जेसिज कपको उद्घाटन गर्दे उनले जेसिजले युवाहरुको नेतृत्व र व्यक्तित्व विकासका लागि पनि समाजमा महत्वपुर्ण योगदान पुर्याको बताएका हुन् ।
युवाहरुलाई खेलप्रति अग्रसर बनाउदै नयाँ खेलाडिको पहिचानसँगै खेलकुदको माध्यमबाट बागलुङलाई पर्यटनसँग जोड्ने उद्देश्यले ‘जेसीज कप फुटबल’ प्रतियोगिता आयोजना गरेको बागलुङ जेसिजका अध्यक्ष अन्जिला श्रेष्ठले बताइन् ।
जेसिज कपमा १४ टिम सहभागि भएको खेल संयोजक सुभम् राजभण्डारीले बताएका छन् ।
सोमबार देखि सुरु भएको जेसिज कप शनिबार सम्म संचालन हुनेछ । कपमा प्रथम हुनेले रु.२ लाख र द्धित्तिय हुनेले रु.१ लाख नगद, ट्रफि, मेडल र प्रमाणपत्र पाप्त गर्ने छन् । उत्कृष्ट खेलाडीलाई विभिन्न विधामा पुरस्कार प्रदान गरिने छ । जेसिज वर्ष २०२६ का अध्यक्ष अन्जिला श्रेष्ठको अध्यक्षतामा सम्पन्न भएको उद्घाटन कार्यक्रमको संचालन खेल संयोजक शुभम राजभण्डारीले गरेको थिए ।
