काठमाण्डौं, १७ जेठ । ग्रेस इन्टरनेसनलका ब्रान्ड एम्बासेडर तथा चर्चित नेपाली क्रिकेटर दिपेन्द्र सिंह ऐरीलाई फिचर गरिएको वर्ल्डकप कप क्रिकेट थिम सङ रिलिज भ्एको छ ।
नेपालले एक दशक पछि फेरि T-20 worldcup क्रिकेट खेल्दै छ । विश्वभरका क्रिकेट प्रेमीहरूको ध्यान विश्वकपमा गईरहँदा नेपालका रेकर्ड मेकर चर्चित अलराउण्डर दिपेन्द्र सिंह ऐरीलाई फिचर गरेर प्रोमोसनल क्रिकेट एन्थम रिलिज भएको छ ।
नेपाली क्रिकेटको हिजो, आज र भोलि, सचित्र भिडियोमा हेर्न सकिन्छ । तराई पहाड हिमाल सबै ठाउँ पुगेर छायाँकन गरिएको गीतलाई संचारकर्मी आर के धितालले निर्देशन गरेका हुन् । नेपाली क्रिकेट प्रेमीहरूका लागि यो गीत जितको उत्सव हुने उनले दाबी गरेका छन् । विश्वकपको यात्रा तय गर्नका लागि खेलाडिहरूले गरेको कठिन संघर्षको ऐना समेत हो यो गीत, उनले भने ।
ग्रेस ईन्टरनेशनलको निर्माण रहेको गितमा शंकर स्माईल को संगीत, आर के धितालको शब्द रचना र देव जंग थापाको छायाँकन तथा सम्पादन रहेको छ ।
ग्रेस ईन्टरनेशनलले विगत २ दशक देखि अध्यन गर्न विदेश जाने विद्यार्थीहरूलाई परामर्श र सहजीकरण गर्दै आएको छ । यो वर्ष ग्रेसले युवाहरूको वृहत्तर विकासका लागि विभिन्न सामाजिक कार्यहरू गर्ने योजना सार्वजनिक गरेको छ । खेलकुद र विशेष गरी नेपाली क्रिकेटको विकासका लागि सहरदेखि गाउँ सम्मका विद्यार्थीहरूलाई क्रिकेट खेलको आयोजना, खेल सामग्री वितरण साथै राष्ट्रिय खेलाडिहरूसंग अन्तरक्रिया र अभ्यास म्याचको समेत आयोजना गर्ने योजना रहेको ग्रेसका संस्थापक निर्देशक एन्ड्रयु पौडेलले जानकारी दिएका छन् । यहि उद्देश्य अनुरूप दिपेन्द्र सिंह ऐरीलाई ग्रेसले सद्भावना दुतका रूपमा अनुबन्ध गरिसकेको छ ।
पूरा गीत हेर्नको लागि तलको लिंक क्लिक गर्नुहोला ।
