काठमाडौँ ,कात्तिक१७ । यस वर्षको भाइटीकाको शुभसाइत कात्तिक २५ गते बिहान ११ बजेर ७ मिनेटमा रहेको छ।
नेपाल पञ्चाङ्ग निर्णायक विकास समितिले भाइटीका लगाउनका लागि उक्त समयलाई उत्तम साइतका रूपमा निर्धारण गरेको हो।
नेपालीहरूको दोस्रो ठूलो चाड तिहारअन्तर्गत भाइटीका दिदीबहिनी र दाजुभाइबीचको प्रेम, सद्भाव र आत्मीयता साटासाट गर्ने विशेष पर्वका रूपमा मनाइन्छ। यस दिन दिदीबहिनीले दाजुभाइको दीर्घायु, सुस्वास्थ्य र समृद्धिको कामना गर्दै सप्तरङ्गी टीका तथा माला लगाइदिने परम्परा छ।







