पर्वत , ८ साउन । पर्वतको कुश्मा नगरपालिकाको अर्मादीमा सवारी दुर्घटना दुईजना घाईते भएका छन् ।
मध्यपहाडी लोकमार्ग अन्तरगत पर्ने अर्मादीमा बालेरो जिप र मोटरसाइकल एकआपसमा ठोकिदा दुईजना घाईते भएको जिल्ला प्रहरी कार्यालय पर्वतले जनाएको छ । ठक्कर खाँदा बाइकमा सवार म्याग्दीका दुई जना घाइते भएका छन् ।
कुश्मा नगरपालिका –१ अर्मादीमा कुश्माबाट बागलुङ जाँदै गरेको ध १ ज ११२६ नम्वरको बोलेरो गाडी र विपरित दिशाबाट आउँदै गरेको ग १४ प ७१६२ नम्वरको मोटरसाइकल एकआपसमा ठोकिएका थिए ।
दुई सवारी ठक्कर खाँदा मोटरसाइकल चालक वर्ष २६ का म्याग्दी जिल्ला धवलागिरी गाउँपालिका २ का वाइक चालक मिलन गोतामेको दायाँ घुडामा र मुखमा चोट लागेको छ भने बाइक पछाडि सवार सोही ठेगाना भएकी २० बर्षिया निरुता गोतामेलाई दायाँ खुट्टामा चोट लागेको छ । अस्तपातका अनुसार दुवै घाइतेको स्वास्थ्य अवस्था मध्यम छ ।
जिल्ला प्रहरी कार्यालयका प्रमुख विजय यादवका अनुसार घटनास्थलमा उद्धार टोली परिचालन गरी घाइते दुवै जनालाई उपचारका लागि प्रदेश अस्पताल पर्वत कुश्मा पुराइएको छ । बाग्लुङ जिल्ला बरेङ गाउँपालिका –५ घर भएका बोलेरो चालक लोकेन्द्र खत्रीलाई अनुसन्धानका लागि नियन्त्रणमा लिएको जिल्ला प्रहरी कार्यालय पर्वतले जनाएको छ ।
