बागलुङ, २२ चैत । बागलुङ जेसीजको आयोजनामा चौथो संस्करणको जेसीज कप फुटबल प्रतियोगिता हुने भएको छ ।
गण्डकी प्रदेशस्तरमा खुला प्रतियोगिताका रूपमा जेसिज कप आयोजना गर्न लागिएको बागलुङ जेसीज वर्ष २०२६ का अध्यक्ष अन्जिला श्रेष्ठले जानकारी दिनुभयो । उहाँले जेसीजले हरेक वर्ष जिल्लाका खेलाडीलाइृ प्रोत्साहन गर्दै नयाँ खेलाडी उत्पादनमा सहयोग पु¥याउन प्रतियोगिता संचालन गर्दै आएको बताउनुभयो ।
प्रतियोगिता चैत २३ देखि २८ गतेसम्म बागलुङ नगरपालिका वडा नं. १ मा रहेको बाङ्गेचौर खेलमैदानमा संचालन हुने प्रतियोगिताका संयोजक शुभम राजभण्डारीले जानकारी दिनुभयो । उहाँले प्रतियोगितामा १४ टिमको सहभागीता रहेको बताउनुभयो ।
प्रतियोगिताको विजेताले २ लाख र उपविजेतो १ लाख नगद सहित ट्रफी, मेडल र प्रमाणपत्र प्राप्त गर्नेछनभने सेमिफाइनल पुग्ने टिमले १२ हजार रुपियाँ प्राप्त गर्ने संयोजक राजभण्डारीले बताउनुभयो । यस्तै प्रतियोगिताको सर्वोत्कृष्ट खेलाडी सहित उत्कृष्ट खेलाडीहरुले विधागत पुरस्कार प्राप्त गर्ने जेसीज बागलुङले जनाएको छ ।
प्रतियोगिता सम्पन्न गर्नको लागि १० लाख रुपियाँ खर्च हुने अनुमान गरिएको अध्यक्ष श्रेष्ठले बताउनुभयो । उहाँले प्रतियोगिता संचालनको लागि विभिन्न संघ, संस्था, व्यवसायी तथा जेसीजका पूर्वसदस्य र देशविदेशमा रहेका नेपालीहरुले सहयोग गरिरहेको बताउनुभयो ।
