बागलुङ, ५ मंसिर । बागलुङमा हिजो भएको नेपाली काँग्रेस बागलुङको अधिवेशनबाट संस्थापन इतर पक्षको सभापतिमा सागर छन्त्याललाई चयन भएका छन ।
छन्त्याल सर्वसम्मत सभापतिमा चयन भएका हुन ।
यस अघि जिल्ला उपसभापती हुँदै देउवा पक्षको जिल्ला संयोजकको जिम्मेवारी समालेका छन्त्याल सभापतिमा चयन भएका हुन ।
सभापती छन्त्यालको नेतृत्वमा ४५ सदस्यीय जिल्ला कार्यसमिति चयन भएको निर्वाचन अधिकृत अखिलनाथ शर्माले जानकारी दिए ।
जिल्ला कार्यसमितिको उपसभापतिमा महेन्द्र आचार्य, शैलेश घर्तिमगर सचिवमा सन्तोष कुँवर धर्मबहादुर घर्ति मगर, सहसचिवमा ढालेन्द्र गौतम र मिलन केसी सर्वसम्मत चयन भएका छन ।
अधिवेशनमा जिल्लाका १० वटै स्थानिय तहबाट प्रतिनिधिहरु सदरमुकाम आएका थिए ।







