Skip to content

follow us

baglungkhabar.tv

23rd November 2026

  • मुख्यपृष्ठ
  • समाचार
  • बिचार
  • सूचना–प्रविधि
  • राजनिती
  • कला/शैली
  • आर्थिक
  • प्रवास
  • खेल
  • फोटो फिचर
Menu
  • मुख्यपृष्ठ
  • समाचार
  • बिचार
  • सूचना–प्रविधि
  • राजनिती
  • कला/शैली
  • आर्थिक
  • प्रवास
  • खेल
  • फोटो फिचर

जननिगरानी साप्ताहिक दशौँ वर्षमा प्रवेश

bk logo final png
  • बागलुङखबर
  • ८ असार २०८३, सोमबार १०:२३

बागलुङ, ८ असार । गुहेंली संचार सहकारी संस्था लिमिटेडद्वारा प्रकाशित हुँदै आएको जननिगरानी साप्ताहिक पत्रिका आजदेखि दशौँ वर्षमा प्रवेश गरेको छ । पत्रिकाले नवौँ वार्षिकोत्सव आईतबार मनाएको छ ।

नवौँ वार्षिकोत्सवको उद्घाटन काठेखोला गाउँपालिकाका उपाध्यक्ष तेज बहादुर थापाले गर्नुभएको थियो । उद्घाटन पछि बोल्दै उहाँले सञ्चार माध्यमले राम्रो कामको प्रशंसा गर्दै नराम्रा कामको खबरदारी गर्नुपर्ने बताउनुभयो । उहाँले सञ्चार माध्यमले खबरवारी गर्दै सरोकारवालाहरुलाई गलतबाटोमा जानबाट रोक्नुपर्नेमा जोड दिनुभयो ।

उपाध्यक्ष थापाले सञ्चार माध्यमहरु स्वतन्त्र र निर्भिक बन्नुपर्नेमा जोड दिनुभयो । उहाँले सञ्चार माध्यमको भविष्यसँग नागरिकको अधिकार र स्वतन्त्रता पनि जोडिएको बताउनुभयो । ‘जतिबेला सञ्चार माध्यमको मुख थुनिन्छ, त्यतिबेला जनताको अधिकार पनि खोसिंदै जान्छ’ थापाले भभन्नुभयो,‘तानाशाहीहरुले सञ्चार माध्यमबाट थालेर नागरिकको अधिकार खोसेका छन् ।’ गणतन्त्रमा आइपुग्दा सबै सञ्चार माध्यम स्वतन्त्र र निर्भिक बन्नुपर्ने पनि उहाँले बताउनुभयो । साथै उहाँले सत्य र तथ्यमा आधारित भएर सूचना प्रकाशन गर्न पनि सञ्चार माध्यम र संचारकर्मीलाई सुझाव दिनुभयो ।

कार्यक्रममा काठेखोला गाउँपालिका वडा नं. २ का अध्यक्ष विद्यापति शर्मा, वडा नं. ६ का अध्यक्ष वृहस्पति शर्मा, दुग्ध उत्पादक सहकारी संघका केन्द्रीय सदस्य दीपक गौतम, नेपाल पत्रकार महासंघ बागलुङका अध्यक्ष राम थापा ‘अविरल’, पत्रकार राजेशचन्द्र राजभण्डारी, बागलुङ उद्योग वाणिज्य संघका सदस्य राजु गौतम, कृषि सहकारी संघका उपाध्यक्ष मणीभद्र शर्मा, स्वास्थ्य प्राविधिक संघका अध्यक्ष विष्णुनाथ शर्मा लगायतले शुभकामना मन्तव्य व्यक्त गर्नुभएको थियो ।

गुहेंली सहकारी संस्था लिमिटेडकी अध्यक्ष तारा के.सी. कार्कीको अध्यक्षतामा सम्पन्न कार्यक्रममा जननिगरानी साप्ताहिक पत्रिकाका सम्पादक अर्जुन कार्कीको स्वागत मन्तव्य र संचालन सहकारीका सहसचिव तथा प्रकाशन समितिका संयोजक तारानाथ आचार्यले गर्नुभएको थियो ।

यो साप्ताहिकले काठेखोलाको समाचारलाई पहिलो बनाउने र जिल्लाभित्रका समाचार मात्रै प्रकाशन गर्दै आएको सम्पादक कार्कीले जानकारी दिए ।

Share

प्रतिक्रिया

थप समाचारहरु

नेपाली काँग्रेस बागलुङ इतर पक्षको सभापतिमा छन्त्याल चयन

बागलुङमा राष्ट्रिय कर सप्ताह ः करदाता शिक्षा तथा अन्तरक्रिया कार्यक्रम सम्पन्न

जनता सँगै चुनावमा हुन्छु : देउवा

लोकप्रिय

बन्दीलाई दशैँ मनाउन खसी उपहार

गणेश पोवीसरा स्मृति कोषद्वारा सञ्चालित छात्र भलिबलको फाइनल समीकरण पूरा

बागलुङमा महिलालाई साबुन बनाउने तालिम, सीपलाई उद्यमसँग जोड्ने प्रयास

बागलुङ नगरपालिकाको तेस्रो चौमासिकको सार्वजनिक सुनुवाई सकियो

भर्खरै

नेपाली काँग्रेस बागलुङ इतर पक्षको सभापतिमा छन्त्याल चयन

बागलुङमा राष्ट्रिय कर सप्ताह ः करदाता शिक्षा तथा अन्तरक्रिया कार्यक्रम सम्पन्न

जनता सँगै चुनावमा हुन्छु : देउवा

 हरिबोधनी एकादशी मेला, भलिबलका चार खेल सम्पन्न

​सुचना विभाग दर्ता नं.: ३१४५–२०७८/७९

Baglung Media House Pvt. Ltd
Baglung Municipality-2, Baglung
Phone: 9748761001
Email: baglungkhabarnews@gmail.com

विज्ञापनको लागि:​
Phone: 9748761001, 9867685343, 9857620300
Email: baglungkhabarnews@gmail.com

सामाजिक संजाल

Facebook Twitter Youtube Instagram

हाम्रो बारे

हाम्रो टिम 

प्रकाशक:
सिर्जना कार्की

सम्पादकः
रामु जि.सी. 

सह-सम्पादक:
खिम बहादुर कार्की 

संवाददाताः
सुजन रेग्मी

© 2021 baglungkhabar.com सर्बाधिकार सुरक्षित 
 
 Designed By: Hari Karki