बागलुङ, १२ असोज, बागलुङ र पर्वत जोड्ने मालढुङ्गाको पुलमा अस्थाई सडक बनाइने भएको छ ।
शनिबारदेखि अविरल वर्षापछि आएको बाढीले बागलुङ र पर्वत जोड्ने पक्की पुलमा क्षति पुर्याएको हो ।कालीगण्डकी नदीमा आएको बाढीका कारण बागलुङ र पर्वत जोड्ने मोटरेबल पुलमा क्षति हुँदा बागलुङ भित्रने तथा बागलुङबाट छुट्ने सवारीसाधन ठप्प भएका छन् । पुलको बाहिरी खण्ड हुँदै नदीले कटान गरेपछि दुई जिल्लाबीचको आवतजावत ठप्प भएको हो ।
सवारीसाधनहरु यही पुल हुँदै बागलुङ जिल्लासहित पश्चिम रुकुम र जाजरकोटसम्म गुड्ने गर्दछन् ।
बाढीले पुलमा क्षति पुर्याएपछि सडक डिभिजन पोखराका सीडीई कृष्णराज अधिकारीको टोली र सडक डिभिजन बागलुङका प्रमुख ईन्जिनियर हरिप्रसाद सुवेदीले संयुक्त रुपमा स्थलगत अवलोकन गर्नुभएकको हो। पुलको संरचनामा बाढीले क्षति नपुर्याए पनि पुलसँगै जोडिएको वाल फिलिङ कटान भएकोले समस्या भएको टोलीको निष्कर्ष रहेको छ ।
पुलको स्टक्चर भागमा केही क्षति नभएपछि पुलसगँको वाल फिलिङ कटान भएको सडक डिभिजन बागलुङका प्रमुख ईन्जिनियर हरिप्रसाद सुवेदीले जानकारी दिनुभयो । उक्त पुलमा बैकल्पिक रुपमा बेलिबृज अथवा ग्याबिन भोरेर काम गर्ने सुवेदीे बताउनुभयो ।
